ဝန်ထမ်းများလစာတိုးပေးဖို့ ငွေစက္ကူ ရိုက်မှရမည်ဟု ဘဏ္ဍာအခွန်ဝန်ကြီးပြောဆို....

အခုတလော ကြားကြားနေရတဲ့ သတင်းတစ်ခုကတော့ ၀န်ထမ်းတွေ လစာ တိုးမယ်ဆိုတဲ့ သတင်းပါဘဲ ။ အမျိုးမျိုး သုံးသပ်ချက်တွေ နဲ့မြန်မာက ၀န်ထမ်းတွေ ကြား ရေပမ်းစားဆုံးသတင်းတစ်ခုပါဘဲ။

သို့လောသို့လော မျှော်လင့်ချက်အိမ်မက်တွေနဲ့ ဘ၀ ကိုရှုန်းကန် နေရတဲ့

မြန်မာ မှဝန်ထမ်းများသေချာ သိရှိနိူင်စေရန် ထိုသတင်းကို တင်ပြလိုက်ရပါသည်-။

ဝန်ထမ်းများအားလစာတိုးပေးရန်အတွက် ယခု ဘဏ္ဍာရေးအခြေအနေအရငွေစက္ကူအသစ် ရိုက်နှိပ်ထုတ်ဝေရမည် ဖြစ်ကြောင်း ဘဏ္ဍာရေးနှင့်အခွန်ဝန်ကြီးဌာနပြည်ထောင်စုဝန်ကြီး ဦးလှထွန်းကယနေ့ကျင်းပခဲ့သောပြည်ထောင်စုလွှတ်တော်အစည်းအဝေးတွင် ပြောကြားခဲ့ကြောင်းပြည်ထောင်စုလွှတ်တော်သို့တက်ရောက်ခဲ့သည့်လွှတ်

တော် ကိုယ်စားလှယ်များ ကဆိုသည်။ထိုကဲ့သို့ပြောကြားရာတွင် ၀န်ထမ်းများလစာတိုးပေးရန် အတွက်လက်ရှိ ဘဏ္ဍာရေး အခြေအနေအရ ငွေစက္ကူအသစ် ရိုက်နှိပ်ထုတ်ဝေမှသာဖြစ်နိုင်ကြောင်း၊ ထိုသို့ပြုလုပ်ပါက ငွေကြေးဖောင်းပွမှုစသော  နောက်ဆက်တွဲ အကျိုးများ ကိုလည်းစဉ်းစားသင့်ကြောင်း၊ ထို့ကြောင့် ၀န်ထမ်းများလစာ တိုးမြှင့်ပေးခြင်းကို ၂၀၁၂-၁၃ ဘဏ္ဍာနှစ်အစား ၂၀၁၃-၁၄ ဘဏ္ဍာနှစ်တွင်မှတိုးမြှင့်ပေးသင့်ကြောင်းပြောကြားခဲ့သည်ဟုလွှတ်တော် ကိုယ်စားလှယ်များက ဆိုသည်။

ယခုလ ၇-ရက်နေ့ကပြည်သူ့လွှတ်တော်ဥက္ကဌသူရဦးရွှေမန်းတင်သွင်းသော လာမည့်ဘဏ္ဍာနှစ်မှစပြီး ၀န်ထမ်းများအား လစာတိုးမြှင့်ပေးရေးအဆိုကို ပြည်ထောင်စုဝန်ကြီးမှ ယခုကဲ့သို့  ပြန်လည် ပြောကြားခြင်းဖြစ်သည်။

ယင်းကိစ္စနှင့်ပတ်သတ်ပြီး အမျိုးသားလွှတ်တော်ကိုယ်စားလှယ်တစ်ဦးဖြစ်သည့် ဦးဖုန်းမြင့်အောင်က '' ပြောရရင် ဒီကိစ္စက ဆုပ်လည်းစူး၊စားလည်းရူးဗျ။ ၀န်ထမ်းတွေ အခြေအနေကလည်း ထိန်းရခက်နေပြီ။ လစာတိုးမပေးရင် ပြဿနာက ပြီးမှာမဟုတ်ဘူး။ တိုးပေးပြန်ရင်လည်း တစ်ဖက်မှာ ပြဿနာတွေရှိနေသေးတယ် '' ဟု သူ၏ အမြင်ကို ပြောကြားသည်။

ပြည်သူ့လွှတ်တော်ကိုယ်စားလှယ် ဦးကြည်မြင့်ကမူ '' ကျွန်တော်တို့က ပြည်သူ့ကိုယ်စားလှယ်။ ပြည်သူကိုကြည့်ရမှာပဲ။ ခုရနေတဲ့လစာနဲ့ကုန်ဈေးနှုန်းနဲ့က လုံးဝကိုသဘာဝမကျဘူး။ သဘာဝကျအောင် ပြုပြင်ပေးကြရမှာပဲ '' ဟု ပြောကြားသည်။

ထို့ပြင် ၎င်းကလက်ရှိ ဘဏ္ဍာရေးအကျပ်အတည်းဖြစ်ရခြင်းမှာ အခွန်ကြပ်မတ် ကောက်ခံမှုအားနည်း၍ဖြစ်ကြောင်း၊ လက်ရှိအခွန်ဆောင်နေသည့် စာရင်းကိုကြည့်ပါက အလယ်အလတ်ကုမ္ပဏီများမှ ပေးဆောင်သည့် အခွန်ငွေမှာများပြားပြီး ထူးကဲ့သို့ ကုမ္ပဏီကြီးများ၏အခွန်ငွေပေးဆောင်မှုမှာ ၎င်းတို့လုပ်ကိုင်နေသည့် လုပ်ငန်းများနှင့်နှိုင်းယှဉ်ပါက များစွာနည်းပါကြောင်း ပြောကြားသည်။

ကမ္ဘာ့စီးပွားရေး နိုဘယ်ဆုရှင် စတစ်ဂလစ်ဇ် ယခင်သီတင်းပတ်က UMFCCI တွင်ပြုလုပ်သည့် သတင်းစာရှင်းလင်းပွဲတွင် မြန်မာနိုင်ငံအနေဖြင့် သယံဇာတမှ ရရှိသည့် ဘဏ္ဍာငွေများကိုသာအားပြုခြင်းထက် ရသင့်ရထိုက်သည့် အခွန်ကောက်ခံမှုများကို ကောက်ခံသုံးစွဲရန်လည်း အကြံပေးပြောဆိုသွားသည်။

ဝန်ထမ်းများအား လစာတိုးမြှင့်ပေးရန်နှင့်ပတ်သက်၍ ပြည်ထောင်စုလွှတ်တော်တွင် ယနေ့ဆွေးနွေးခြင်းမှာ မပြီးပြတ်သေးဘဲ အဆိုတင်သွင်းသူ ပြည်သူ့လွှတ်တော်ဥက္ကဌ သူရဦးရွှေမန်းမှ ပြန်လည်ဆွေးနွေးရန် ကျန်ရှိနေပြီး လွှတ်တော်တွင်မဲခွဲရန်ဆုံးဖြတ်

ရန်လည်းကျန်ရှိနေသေးကြောင်းလွှတ်တော်ကိုယ်စားလှယ်များကဆိုသည်။ 

 Yangon Press International သတင်းကို ကိုးကားတင်ပြပါသည်။

                            ရာဇ၀င်